@maki769 @难遂寸心 @Jodiehk @沐奕晨 @南梦蓝蓝

孖偶像拍劇　丁子朗搵鍾景輝惡補演技
藝人丁子朗於油塘出席劇集《射鵰英雄傳》的宣傳活動，不時出騷的他被問是否被力捧？他笑謂自己得閒，亦感謝公司給予機會，被問會否機會拍劇？他說：「嚟緊拍《再創世紀》，可以同偶像周柏豪合作！」他又指單看故事已經花了兩小時，又指將同林文龍及周柏豪有對手戲，談到港姐港男卸任後會上藝訓班才拍劇，他說：「都有讀，但嗰時拍緊其他嘢，上咗一半嘅堂，所以依家要惡補，去補king sir（鍾景輝）嘅演技班，第一次拍劇唔想仆直！」
做專業「兵仔」
至於可有感情線？他笑謂：「有呀，不過係我鍾意人，追唔到。（做兵？）係呀，做番自己咁。」又指《再創世紀》到歐洲拍外景時便會拍攝另一套劇集，他笑謂：「嗰套又係做兵呀，可能覺得我係做兵嘅材料！」至於在現實中可有感情線？他謂仍未找到，不過相信公司是接受藝人拍拖！