TVB1982《星尘》cut1(YY粤语字幕)
徐铮(财哥饰演):唉,我哋玩咗十几年街坊,出去探下佢啫嘛。有咩事啫?你咪听人哋车埋啲无影大炮先得㗎!
小龙女(白茵饰演):哦,车大炮啊,系嘛?一个人就话车大炮啫,咁多个人讲啊,呢个大炮算大咯。
徐铮(财哥饰演):你话畀我听啊,究竟系边个讲㗎?
小龙女(白茵饰演):费事争人富气!
徐铮(财哥饰演):噉,喺边度见到我?
小龙女(白茵饰演):哼!喺叶秋霞嘅楼下,拉拉扯扯噉。
徐铮(财哥饰演):唉,呢啲根本系小事啫。其实…
小龙女(白茵饰演):哦,小事嘛,最好捉 坚 在床。
徐铮(财哥饰演):唉,阿龙姐,龙姐,你听我讲啊。根本你…龙姐,开门啦。龙姐,开门畀我入嚟,解释清楚啊。
小龙女(白茵饰演):畀你入嚟,哼!
徐铮(财哥饰演):唉,你听我讲啊,呢件事,呢件事噉嘅,嗰日方婷嘅新居入伙噉,噉,阿敏唔识点样哦,我,我咪带佢去咯,之后都冇去到啊。你唔信啊,问下佢哋啊。
小龙女(白茵饰演):哦,冤枉你啊噉。
徐铮(财哥饰演):真系冤枉嘅,龙姐,你畀我入嚟啊,畀我入嚟讲清楚啊,龙姐。
小龙女(白茵饰演):畀你入嚟!
徐铮(财哥饰演):系啊,龙姐,开门啦。龙姐,龙姐…喂…
小龙女(白茵饰演):入嚟啊喇…
徐铮(财哥饰演):哎呀哎呀,哎呀哎呀,流血啦。流血啦…哎呀,流血啦…哎呀哎呀…呢只手…
小龙女(白茵饰演):边有流血啊?
徐铮(财哥饰演):啊,流血啦…
小龙女(白茵饰演):啊,边度啫?
徐铮(财哥饰演):啊,呢度啊。
小龙女(白茵饰演):哎呀,好衰啊。叫你唔制啊…
徐铮(财哥饰演):我话又死啊,打死你啊…
小龙女(白茵饰演):打死你啊,咁衰成日呃我,你呃我啊。