地點:某處<老地方>
因天氣已經踏入寒冬一半了，天色早已一遍沈寂黑夜。余家升靠著昏暗的街燈看著手錶，時分針正好指著19:30分。 比起約定時間提早了半小時，臉上迎來了陣陣寒意。
升隨處找個地方坐下，下意識從口袋拿出一張紙巾在身邊那個地方不停地來回擦拭。
L:｢家升，好心你改變一吓出賣你既行為啦｣LINDA慢慢走向余家升身邊
升:｢LINDA你嚟左喇，係呢..你今次約我嚟呢度係唔係有咩消息?｣余家升聽到LINDA一說後就立即停止手頭上的(工作)~LINDA微微深呼吸一下說:｢家升! 你應承我，無論我一陣間講咩你都要冷靜聽完我所講既野好唔好?｣LINDA看著余家升沒有作聲回應就緩緩地說:｢家升，喺你上星期出差既時候發生左D事，第一件事我要講既就係十二年前千尋案件唯一關鍵證人余錦添已經搵到。｣升聽後急忙地問:｢咁佢既人呢? 佢有冇講當年件事關唔關大閆生事丫?｣
L:｢家升!我叫你冷靜咁聽完我講哂先｣
升:｢SORRY MADAM!｣LINDA再說:｢冇錯，余錦添確實係搵到亦到講哂當年發生咩事俾我地警/方知。其實應該可以咁講唔係我地搵到佢先，係佢主動聯絡我呀爸..但當呀爸再見到佢既時候，佢已經喺馬來西亞醫院走左! 當時佢臨終前拜託醫院將佢份遺書轉交俾我阿爸，遺書上面寫住話當年因為自己錯信股票消息欠下巨債所以先會私通千尋公司貪污，大閆生確實並不知情。事敗後因為自己怕事冇膽出來承擔責任先會<著草> (即逃走)，份遺書已經確認筆跡同埋當時寫既時候余錦添都請當地醫生見證。所以更加確認了大閆生同當年千尋公司件事無關，余錦添亦都因為呢一件事累及大閆生多年而感到內疚所以先會臨死前寫落呢一封遺書證明大閆生清白!｣
當LINDA一口氣地說完了第一件事後看看了坐在身旁默不作聲的他，再用力深呼吸地道出第二件事:｢余家升，我現在以你上司身份同你講，金波集團案件已經結案。你無須再查落去。但上頭現在要你接受一項新任務，你必須遵循!｣
余家升聽到LINDA說完她口中第二件事後情緒已經按捺不住，立即起身大聲吼道:｢LINDA，你講咩話? 你當初應承過我咩呀?你話金波係最後一次，你依家嚟同我講要我接受新任務? 必須遵循? 我有冇聽錯呀..你呢個大話精｣｢家升!你冷靜D聽我講｣LINDA同時起身說｢今次唔係我要你接，係一哥(即香港警/方最高權力人事)｣
升:｢一哥? 哈哈~咁又點呀? 一哥就要必須遵循? OK~咁我依家話你知我劈炮唔撈(離職)喇~咁我依家係普通市民我可以唔駛必須遵循啦｣
L:｢家升~你冷靜D好冇，我都唔想，但今次..｣還未說完再被失去冷靜的余家升打斷:｢冷靜?你叫我冷靜? 你唔想? 今次又點呀? 點解一定要係我? 香港幾萬個**點解要係我?LINDA 我真係冷靜唔到囉，我當初選擇做**係因為覺得我父母唔係死於交通意外咁簡單，我咬緊牙關辛辛苦苦投考**唔聽以姨媽講出國讀書，就係想我自己成為一名**後可以明正言順咁查吓我父母死因，但係呢~我一畢業就俾師傅安排左我去商業科..OK我接受，我覺得我就算做咩只要我仲係**終有一日我會查到出來..點知做左幾年文職就被大SIR安排左我去做社團UC!｣余家升愈說愈不受控制，就連LINDA都不敢打擾半分。可能是因為太熟悉面前的人了。更加知道此時此刻的余家升已經到臨界點。靜靜地看著他。余家升稍稍呼出了一口氣，雙手因握得用力過度而產生抖震再說:｢LINDA~你知唔知我果五年點過? 由余家升變做生番開始果日，每一日我都為左要上位出盡辦法由散仔慢慢咁爬上去，每一日我都好似地獄裡面咁生存..初頭做散仔果一兩年係最輕鬆..我果時最多都係同D大佬去爭吓場打吓拳頭交咁..最多咪玻璃樽爆吓頭咁..又唔會死人既! 每晚同D所謂兄弟飲酒唱K落D…如果唔係大SIR俾任務我我都差D忘記我仲係一個**! 當每一次接過任/務後都係一次上位機會，久而久之位置越上由本來既拳頭交演變到刀光劍影既生活。你知唔知我果幾年間出入生死門幾多次?
我就算幾重傷都唔可以光明正大咁去醫院，要搵黑市醫生。D黑醫技術又唔好..次次都發哂炎咁..每一次我都心諗不如就咁算了，點解要咁辛苦? 但每次當我想放棄我又唔甘心，我都未查明父母死因就咁死去咪好唔值?屋企仲有兩個一老一幼要我去照顧，所以我先一次又一次忍落去!LINDA你知唔知我有幾多年冇真真正正咁瞓過?哈哈~你當然唔知啦，你都未試過每一刻都要過住隨時會俾人斬死既生活。我話俾你知，每晚我都唔敢瞓得太深，瞓覺既時候右手一定要拎住支槍，如果有D咩聲音下意識就準備隨時開槍。我記得我以前夏天好喜歡去游水..但當我身上愈來愈多一條又一條深到見骨既疤痕..就連我自己都怕見到自己除衫。真可笑! ｣
｢次次俾人斬我都好憎我係**，點解人地可以殺/我而我唔可以殺/返佢? 佢地刀刀都要命..而我呢?就係因為我係**，**係有守則。就算我自衛又好點都好，只要我行錯一步兩邊都會放棄我呀!一係俾自己手足拉一係俾社團執行家/法。

冇人既。。。

加油

一起卧底？？？

嘻嘻，暫時應該唔會

大:｢爸呀，都話我同阿賞係冇可能架囉。｣閆器沒有理會汝大的說話，轉身輕輕地用手拉一拉站在不遠處的殷賞過來。再將殷賞的手放在余家升手上。眾人都被閆器此舉動嚇倒。
閆:｢至於你同新抱仔呢……我將佢交俾你。我一直都當佢係我既親女一樣。當然我最希望既就梗係佢會重新再做我既新抱仔啦! 但汝大啱啱都講佢十年前已經放棄咗。我再冇咩理由去阻止佢既幸福! 講真，如果換轉第個我一定唔會咁樣做! 但對象係你余家升的話，我相信如果一個男人用性命去換取守住承諾同責任，作為一個男人我會好尊重，我相信汝大都係因為果個係你佢先甘願放手。你要代我地好好咁保護佢，唔係我真係會嬲!｣余家升隨即點點頭:｢你可以放心交佢俾我｣
余家升捉住殷賞的小手輕輕用力一拉，賞因失了重心往前傾下伏在余家升結實的胸口。｢賞，你會唔會..｣
賞:｢你係唔係想問我會唔會嬲你丫嘛!? 你真係女人嚟架，唔係~係女人都冇你咁煩又咁侵氣。｣(大白眼)殷賞將身體挺直微微拉開和升的距離:｢頭先兩個大男人講既野你冇聽到架咩? 佢地兩個將我要講既都講哂。仲有呀，啱啱我都未開口你就急住話咩污糟呀又話要離開呢啲咁不負責任既野我都仲未話你，咩冇面目見我地呀?余家升你係唔係咁呀?次次一有野就諗住自己離開就冇事，你呢啲仲叫負責任?都唔明點解啱啱果兩個都話你有責任感..｣隨即面向那兩位一老一幼給他們一個大白眼，再伸出食指指向那個男人｢余家升我呢一刻警告你呀，你絕對唔可以辭**份工呀。你都未查你父母死因，仲有你啱啱聽唔到linda話阿偉有可能衝住我而嚟咩? 依家你女朋友我累到你兄弟同你老闆受害，你作為我既男朋友係唔係應該要企出嚟做返d野呀，吓｣一輪精彩<表白>後殷賞發現其他人鴉雀無聲才發現剛才的失禮。此時大閆生輕輕地用手肘撞一下汝大輕聲說:｢汝大呀，新抱仔我記得以前唔會對你咁架。定係佢不嬲都係咁?｣汝大聽後在耳邊輕回:｢佢以前唔係咁架，但唔知點解係對升一個先係咁｣os(唉~兄弟~希望你以後既日子好受啦…今次真係搬隻猛虎返屋企…仲有係乸...)
待~~~~~~~~~~~~~~~~~~~

港味好浓~！社长同赏赏在一齐就系好~~甜蜜得来几搞笑~~社长你有排受啦~！

大乌龙……吓死宝宝了！能让余家升说出心里话真不容易啊

@丛紫21 @Lucke妞儿
@彬8临天下

打卡，睡觉

有点小谜团

我要看下文

樓樓是把雙重人格那刪啦