艺人#陈家乐# 凭TVB电视剧《逆缘》成功入屋，人气急升，他出席新店开幕活动时，被问到是否剧集效应多了工作机会，他表示：“少少啦，系多咗品牌嘅邀请、可以出席啲时装活动，之前系少啲嘅，可以再多啲㗎。（赚多咗？）少少啦。（储够老婆本?）多咗储蓄。
但除番开入行十年，我收入都系好少㗎咋。以前试过零收入、试过得几百蚊交通费。低收入都试过维持四年。（咁仲要储几耐老婆本?）都要等多啲客户搵我、畀机会我。出席活动系搵真银机会，又可以同大家见面，但拍剧、电影就系辛苦钱，开工时间比较长。（同余香凝定咗婚期?）再储吓钱先啦，冇谂到咁遥远，佢工作都好忙，大家各自工作先啦。”
陈家乐坦言现阶段有广告商向他接洽，自己亦想接拍时装广告，因为可以节省置装费用。问到会否女友余香凝情侣档上阵，他说：“都好喎，因为身形好靓，着衫又好睇。我自己都要Keep吓。”