唔小心sin3亲，因住个地下sin3啊！如果唔顾字义，只要同音，噉写线、扇、腺是一滴区别都无嘅。近年更有网友寻古搵出个“跣”，唔少教粤语之视频啊、文章啊，都呼吁以此为“正”。苏典切，阴上调；足亲地也，即打赤脚。
sin3字因何而起？其实是“鳝”，严格来讲，“鳝”读sin5，但因为阳上同阴去调值接近，容易混淆，譬如：舍、舅、会，都有哩样情况。鳝身滑，因此用“鳝”来表示“滑”，正体现广东人讲粤语之灵活气，贴近生活而非样样必承古典。
唔系句句话、个个字都有文献记录嘅，关键是综合起身讲唔讲得通。明白哩层关系，先会理解sin3并非单纯嘅跌交，从自己“鳝”到畀人“鳝”，先始顺理成章吧。